Fernando Santos គ្រូបង្វឹកក្រុមជម្រើសជាតិព័រទុយហ្គាល់បានអះអាងថា កីឡាករ Cristiano Ronaldo គេងមិនសូវបាន និងមិនស្រណុកចិត្តនោះទេចាប់តាំងពីទាត់បាល់ ប៉េណាល់ទីអត់ចូលមក។
ក្នុងការប្រកួតពូល F កាលពីថ្ងៃអាទិត្យសប្ដាហ៍មុនប្រធានក្រុម Ronaldo ខកខានឱកាសជួយព័រទុយហ្គាល់ឈ្នះការប្រកួត បន្ទាប់ពីទាត់ប៉េណាល់ទីបុកបង្គោលធ្វើឲ្យលទ្ធផលបានត្រឹមស្មើគ្នា ០-០ ប៉ុណ្ណោះទល់នឹងអូទ្រីស។ លទ្ធផលនេះនាំក្រុមរបស់លោក Santos ត្រូវការឈ្នះប្រកួតក្រោយ ដាច់ខាតដើម្បីធានាកៅអីទៅវគ្គបន្ត។
យ៉ាងណាដ៏ដោយគ្រូបង្វឹកវ័យ៦១ឆ្នាំនៅតែលើកទឹកចិត្តកូនក្រុមថា៖ “Cristiano គេងមិនលក់តាំងពីពេលទាត់បាល់ពិន័យប៉េណាល់ទីមិនចូល តែគេគឺជាកីឡាករដែលមានបទពិសោធន៍ ការស៊ុតលើកក្រោយនៅតែជា Ronaldo ហើយខ្ញុំជឿថាគេនឹងធ្វើបានល្អឡើងវិញ”៕
ប្រែសម្រួល៖រិទ្ធ
ប្រភព៖The sun
Labels: Sport
