02.6.2016
ពានរង្វាន់ Copa America 2016 ដែលមានឈ្មោះថា “Copa America Centenario” នឹងមកដល់នៅថ្ងៃសៅរ៍ ទី០៤ ខែមិថុនាចុងសប្ដាហ៍នេះហើយ ខណៈដែលក្រុមខ្លាំងៗមកពីតំបន់អាមេរិកខាងជើង និងអាមេរិកខាងត្បូងចំនួន១៦ក្រុម នឹងត្រូវប្រកួតគ្នានៅសហរដ្ឋអាមេរិក ដើម្បីគម្រប់ខួប១០០ឆ្នាំ នៃព្រឹត្តិការណ៍នេះ។
ឈីលីលើកពាន Copa America 2015
ខាងក្រោមនេះ គឺជា៥ចំណុចសំខាន់ៗ៥យ៉ាង ដែលប្រិយមិត្តគួរដឹងពីពានរង្វាន់ Copa America 2016៖
១. តើចាប់ផ្ដើមនៅពេលណា និងបញ្ចប់នៅពេលណា?
Lionel Messi ប្រធានក្រុមអាហ្សង់ទីន
Copa America 2016 រដូវក្ដៅនេះ នឹងបើកឆាកការប្រកួតនៅថ្ងៃសៅរ៍ ទី០៤ ខែមិថុនា ដែលជាការជួបគ្នារវាងម្ចាស់ផ្ទះអាមេរិក ប៉ះកូឡុំប៊ី នាវេលាម៉ោង០៨:៣០ព្រឹក (នៅកម្ពុជា)។ ព្រឹត្តិការណ៍ដ៏ធំនេះ គ្រោងនឹងបញ្ចប់នៅថ្ងៃអាទិត្យ ទី២៦ ខែមិថុនា។
២. ហេតុអ្វី បានជាពានរង្វាន់នេះ លេងនៅឆ្នាំ២០១៦?
Luis Suarez ប្រធានក្រុមអ៊ុយរុយហ្គាយ
ប្រាកដណាស់ Copa America ទើបតែលេងនៅឆ្នាំ២០១៥ កន្លងទៅថ្មីៗនេះទេ ខណៈដែលពេលនោះម្ចាស់ផ្ទះឈីលី ជាអ្នកលើកពាន ក្រោយឈ្នះអាហ្សង់ទីន។
ជាធម្មតា ពានរង្វាន់នេះ ធ្វើឡើងរាល់៤ឆ្នាំម្ដង ប៉ុន្តែដោយសាររដូវក្ដៅនេះ ជាគម្រប់ខួប១០០ឆ្នាំ នៃព្រឹត្តិការណ៍នេះ ទើបគេរៀបចំលេងឆ្នាំ២០១៦នេះទៀត ដើម្បីអបអរសាទរ។ នេះជាលើកទី៤៥ នៃពាន Copa America ហើយក៏ជាលើកដំបូង ដែលម្ចាស់ផ្ទះមិនមែនក្រុមនៅអាមេរិកខាងត្បូងផងដែរ។
៣. ហេតុអ្វី បានមាន១៦ក្រុមចូលរួមប្រកួតឆ្នាំ២០១៦នេះ?
Willian (អាវខ្មៅ) ជម្រើសជាតិប្រេស៊ីល
ជាធម្មតា ពានរង្វាន់ Copa America មានចំនួនតែ១២ក្រុមទេ ប៉ុន្តែនៅឆ្នាំ២០១៦នេះ មានរហូតដល់១៦ក្រុម។ មូលហេតុការបន្ថែមក្រុមនេះ គឺដើម្បីអបអរដល់តំបន់អាមេរិកទាំងមូល និងអបអរដល់ខួប១០០ឆ្នាំ នៃពានរង្វាន់នេះ។
Copa America 2016 មាន១០ក្រុមមកពីតំបន់អាមេរិកខាងត្បូង និងបន្ថែម៦ក្រុមមកពីតំបន់ CONCACAF ក្នុងនោះអាមេរិក និងម៉ិកស៊ីកូជាប់ដោយស្វ័យប្រវត្តិ, ហៃទី ប៉ាណាម៉ា កូស្តារីកា និងចាម៉ៃកា បានជាប់ដោយឆ្លងកាត់វគ្គជម្រុះ។
៤. តើចែកជាប៉ុន្មានពូល ក្នុងពូលនីមួយៗមានក្រុមណាខ្លះ?
James Rodriguez
ពូល A៖ អាមេរិក កូឡុំប៊ី ប៉ារ៉ាហ្គាយ និងកូស្តារីកា
ពូល B៖ ប្រេស៊ីល ប៉េរូ ហៃទី និងអេក្វាឌ័រ
ពូល C៖ អ៊ុយរុយហ្គាយ ម៉ិកស៊ីកូ ចាម៉ៃកា និងវេណេហ្ស៊ុយអេឡា
ពូល D៖ អាហ្សង់ទីន ឈីលី បូលីវី និងប៉ាណាម៉ា។
៥. តើមានកីឡាករណាខ្លះ មកពីក្របខ័ណ្ឌអង់គ្លេស Premier League?
Philippe Coutinho របស់ក្លឹប Liverpool — ជម្រើសជាតិប្រេស៊ីល
អាហ្សង់ទីន៖ Sergio Romero, Marcos Rojo (Man Utd), Ramiro Funes Mori (Everton), Nicolas Otamendi, Sergio Aguero (Man City), Erik Lamela (Spurs)
ប្រេស៊ីល៖ Philippe Coutinho (Liverpool), Willian (Chelsea)
ឈីលី៖ Alexis Sanchez (Arsenal)
កូឡុំប៊ី៖ David Ospina (Arsenal), Juan Cuadrado (Chelsea)
កូស្តារីកា៖ Bryan Oviedo (Everton), Joel Campbell (Arsenal)
អេក្វាឌ័រ៖ Antonio Valencia (Man Utd), Enner Valencia (West Ham), Juan Carlos Paredes (Watford), Jefferson Montero (Swansea)
ចាម៉ៃកា៖ Adrian Mariappa (Crystal Palace), Wes Morgan (Leicester)
អាមេរិក៖ Geoff Cameron (Stoke), DeAndre Yedlin (Spurs)
អ៊ុយរុយហ្គាយ៖ Abel Hernandez (Hull), Cristhian Stuani (Middlesbrough)
វេណេហ្ស៊ុយអេឡា៖ Salomon Rondon (West Brom)៕
ប្រែសម្រួល៖Rith
ប្រភព៖Warungqq
Labels: Sport
