ចាស់ៗតែងប្រាប់ថា "ស្រ្តីមានគត៍ត្រូវទទួលទានឪ្យច្រើន ព្រោះត្រូវចិញ្ចឹមកូនក្នុងផ្ទៃម្នាក់ទៀត" ប៉ុន្តែ
ជាក់ស្តែង ស្រ្តីក៏ត្រូវចេះគ្រប់គ្រងទម្ងន់សុខភាពដែរ។ ស្រ្តីមានគភ៍គួរយល់ដឹងថា ការឡើងទម្ងន់ក្នុង
ពេលមានទម្ងន់ជារឿងប្រក្រតីក៏ពិតមែន ប៉ុន្តែតើអ្វីទៅដែលជាមូលហេតុនៃការឡើងទម្ងន់របស់
អ្នក? តាមការណែនាំវេជ្ជសាស្ត្រទម្ងន់សុខភាពរបស់ស្ត្រីមានគត៍គួរស្ថិតក្នុងគម្លាតដូចខាងក្រោម៖
- ស្រ្តីទម្ងន់ស្រាលអាចនឹងឡើងទំងន់ពី ១៣ ទៅ ១៨ គីឡូក្រាម នៅពេលមានគភ៍
- ស្រ្តីទម្ងន់ធម្មតា អាចនឹងឡើងទម្ងន់ពី ១១ ទៅ ១៦ គីឡូក្រាម នៅពេលមានគភ៍
- ស្រ្តីធាត់ អាចនឹងឡើងទម្ងន់ពី ៧ គីឡូក្រាម ១១ គីឡូក្រាម នៅពេលមានគភ៍
- ស្រ្តីធាត់លើសទម្ងន់អាចនឹងឡើងទម្ងន់ពី ៥ ទៅ ៩ គីឡូក្រាម នៅពេលមានគភ៍
ទម្ងន់ទាំងនេះ អាចនឹងប្រែប្រួល ប្រសិនបើទារកក្នុងផ្ទៃជាកូនភ្លោះ ឬ ភ្លោះច្រើនជាង២ ។
ហេតុផលប្រក្រតី ៣ យ៉ាង ដែលបណ្តាលឪ្យស្រ្តីមានគភ៍ឡើងទម្ងន់៖
១- សុខភាពទារក: នេះមិនមែនជារឿងចម្លែកទេ ព្រោះថាពោះអ្នកកាន់តែធំ កូនក៏កាន់តែលូត
លាស់ ដូចនេះទម្ងន់ក៏នឹងឡើងតាមនឹងដូចគ្នាដែរ ។ ប្រសិនបើអ្នកមិនឡើងទម្ងន់ មាននយ័ថាអ្នក
អាចប្រឈមនឹងបញ្ហា អាចកូនកើតមិនគ្រប់ខែ ឬកូនមិនគ្រប់គីឡូ។ ការឡើងទម្ងន់ក៏បញ្ជាក់ដែរ
ថា ទារកក្នុងផ្ទៃលូតលាស់ល្អ ហើយមិនងាយប្រឈមនឹងជំងឺបេះដូង បញ្ហាដង្ហើម និងប្រពន្ធ័រំលាយ
អាហារឡើយក្រោយពេលកើត។
២- សុដន់ឡើងធំ: ស្រ្តីមានគភ៍ប្រាកដជាមានសុដន់ធំជាងធម្មតា នេះបណ្តាលមកពីជាលិកាសុដន់
រីកប៉ោង និងចាប់ផ្តើមផលិតទឹកដោះសម្រាប់កូននៅពេលកើតមក។ កត្តានេះ អាចនឹងបណ្តាលឪ្យ
សុដន់១ចំហៀង ឡើង ១គីឡូក្រាម ហើយសម្រាប់ស្ត្រីដែលមានសុដន់តូចអាចនឹងមានការភ្ញាក់ផ្អើល
ចំពោះខ្លួនឯង ។
៣- ស្រក់ទម្ងន់ឆាប់រហស័: សូមកុំបារម្ភ នៅពេលក្រោយសម្រាល ទម្ងន់របស់អ្នកនឹងស្រកស្រុតចុះ
យ៉ាងគំហុក។ អ្នកអាចនឹងស្រក ជាមធ្យម ៥គីឡូក្រាមបន្ទាប់ពីសម្រាលហើយភ្លាមៗ ដែលនេះជា
ទម្ងន់របស់ទារកទឹកភ្លោះ និង សុកកូន។ រយះពេល ២ ទៅ៣សប្តាហ៍បន្ទាប់ពីសម្រាល អ្នកនឹងស្រក
គីឡូបណ្តើរៗ ដោយសារការផលិតអរ័ម៉ូន នៅពេលមានគភ៍ត្រូវបានកាត់បន្ថយ ហើយអ្នកនឹងបាត់
បង់សារធាតុទឹកពីក្នុងខ្លួនមួយចំនួនទៀត។ ប្រសិនបើអ្នកចង់បានរូបរាងដើមឆាប់រហស័ គួរអនុ
វត្តការហាត់ប្រាណ បំបៅកូនដោយទឹកដោះ និង ទទួលទានអាហារសុខភាពឪ្យបានជាប់លាប់៕
ប្រែសំរួលដោយ៖Popeye
ដកស្រង់ពី៖ទស្សនាវដ្តីប្រជាប្រិយ
Labels: Healthy
